Sérþjónusta
Til að hægt sé að nota símann verður áskrift að
þjónustuveitu fyrir þráðlausa síma að vera fyrir hendi.
Margir af valkostum símans flokkast undir sérþjónustu.
Ekki er hægt að nota þessa valkosti í öllum símkerfum.
Í öðrum símkerfum kann jafnframt að vera farið fram
á sérstaka skráningu fyrir þessari þjónustu.
Leiðbeiningar ásamt upplýsingum um gjald fyrir
þjónustuna fást hjá þjónustuveitu. Sum símkerfi kunna
að hafa takmarkanir sem hafa áhrif á hvernig hægt er
að nota sérþjónustu. Til dæmis er ekki víst að öll
símkerfi styðji alla stafi tungumála og þjónustu.
Þjónustuveitan þín kann að hafa farið fram á að
tilteknir valkostir hafi verið gerðir óvirkir í tækinu. Ef
svo er birtast þær ekki í valmynd tækisins. Tækið kann
einnig að hafa verið sérstillt, t.d. kann heitum, röð og
táknum valmynda að hafa verið breytt. Þú færð frekari
upplýsingar hjá þjónustuveitunni þinni.
Þetta tæki styður WAP 2.0 samskiptareglurnar (HTTP og
SSL) sem keyra á TCP/IP samskiptareglum. Sumar
aðgerðir þessa tækis, svo sem MMS, vefskoðun og
tölvupóstur krefjast símkerfisstuðnings við þessa
tækni.