Um Bluetooth-tengingar
Hægt er að tengjast þráðlaust við samhæf tæki með
Bluetooth. Samhæf tæki eru m.a. farsímar, tölvur og
aukabúnaður eins og höfuðtól og bílbúnaður. Hægt
er að nota Bluetooth til að senda myndir,
myndskeið, tónlist, hljóðskrár og minnismiða; til að
tengjast þráðlaust við samhæfar tölvur (t.d. til að
flytja skrár) eða til að tengjast við samhæfan
prentara og prenta myndir.
Þar sem tæki með Bluetooth-tækni nota
útvarpsbylgjur til samskipta þurfa tækin ekki að
vera í beinni sjónlínu hvert við annað. Hin vegar
þurfa þau að vera í innan við 10 metra (33 feta)
fjarlægð hvort frá öðru. Truflanir geta þó orðið á
tengingunni vegna hindrana eins og veggja eða
annarra raftækja.
Þetta tæki er samhæft við Bluetooth Specification
2.0 sem styður eftirfarandi snið: Advanced Audio
Distribution Profile, Audio/Video Remote Control
Profile, Basic Imaging Profile, Basic Printing Profile,
Dial-up Networking Profile, File Transfer Profile,
Hands-Free Profile, Headset Profile, Human
Interface Device Profile, Object Push Profile, SIM
Access Profile og Synchronization Profile. Til að
tryggja samvirkni milli annarra tækja sem styðja
Bluetooth-tækni skal nota aukahluti sem eru
viðurkenndir af Nokia fyrir þessa tegund. Leita skal
upplýsinga hjá framleiðendum annarra tækja um
samhæfi þeirra við þetta tæki.
Takmarkanir kunna að vera á notkun Bluetooth-
tækni á sumum stöðum. Kanna skal það hjá
yfirvöldum á staðnum eða þjónustuveitunni.
Aðgerðir sem nota Bluetooth-tækni eða leyfa
slíkum aðgerðum að keyra í bakgrunni meðan aðrar
aðgerðir eru notaðar krefjast aukinnar
rafhlöðuorku og minnka endingu rafhlöðunnar.
Ekki er hægt að nota Bluetooth þegar tækið er læst.
Sjá „Sími og SIM“, bls. 150.